குத்தாலம் கிளை

14-04-2024 அன்று குரோதி வருட பஞ்சாங்க படனம் நிகழ்ச்சி கிளை துணைத் தலைவர் ஸ்ரீ.வி.காசிவிஸ்வநாத ஐயர் தலைமையில் நடைபெற்றது. சங்கராபுரம் ஸ்ரீ.கோபால கிருஷ்ணபட் பஞ்சாங்க படன பூஜைகள் செய்தார். அமைப்புச் செயலாளர் ஸ்ரீ.ஆர்.நடராஜன் வரவேற்புரையாற்றினார். கிளை ஆலோசகர் ஸ்ரீ.வி.ராமதாஸ், ஸ்ரீ.வி.பாலாஜி, ஸ்ரீ.ஆர்.நடராஜன் ஆகியோர் நிகழ்ச்சி ஏற்பாட்டை செய்தனர். ஸ்ரீ.வி.முத்துகிருஷ்ணன். ஸ்ரீ.வி.ராஜகோபால ஐயர், ஸ்ரீ.டி.கே.வி.கிருஷ்ணமூர்த்தி, ஸ்ரீ.எஸ்.சங்கரன், ஸ்ரீ.எம்.குருமூர்த்தி மற்றும் பலர் கலந்து கொண்டனர். அனைவருக்கும் குரோதி வருட பஞ்சாங்கம் வழங்கப்பட்டது. பஞ்சாங்கம் நன்கொடையாக வழங்கிய சிட்டி யூனியன் வங்கிக்கு (குத்தாலம்) நிர்வாகத்திற்கு மற்றும் கலந்து கொண்டவர்களுக்கு நன்றி தெரிவிக்கப்பட்டது. ஸ்வஸ்தி வாசகத்துடன் நிகழ்ச்சி நிறைவுபெற்றது.

நாகை மாவட்டம் - மாப்படுகை கிளை

17-04-2024 அன்று ஸ்ரீ லக்ஷ்மி நாராயண பெருமாள் திருக்கோவிலில் சீதாலட்சுமிக்கும், ஸ்ரீ.ராமச்சந்திர ஸ்வாமிக்கும் விவாஹ மஹோத்ஸவம் பட்டாச்சாரியார்கள் ஸ்ரீ.ஜிதேந்திரன் ஸ்ரீ.பாலாஜி ஆகியோர் வைபவத்தை நடத்தி வைத்தனர். ஸ்ரீ.ஏ.வி.ராமன், ஸ்ரீ.ஏ.வி.ஆர்.சுரேஷ் சங்க நிர்வாகிகள் மற்றும் உறுப்பினர்கள் கலந்து கொண்டு சிறப்பித்தனர். 22-04-2024 அன்று அருள்மிகு ஸ்ரீ ஆலடி வலஞ்சுழி விநாயகர், அருள்மிகு விசாலாட்சி அம்பாள் சமேத ஸ்ரீ.விஸ்வநாத ஸ்வாமி அருள்மிகு லக்ஷ்மிநாராயண பெருமாள், அருள்மிகு வீர ஆஞ்ஜநேயர் அருள்மிகு கெங்கையம்மன் ஆகிய கோவில்களில் அஷ்டபந்தன மஹாகும்பாபிஷேகம் சிறப்பாக நடைபெற்றது. ஆலய அர்ச்சகர்கள் ஸ்ரீ.கிருஷ்ணமூர்த்தி ஐயர், ஸ்ரீ.ஈஸ்வரன் ஐயர், ஸ்ரீ.தண்டபாணி ஐயர் மற்றும் பாண்டூர் ஸ்ரீ.சி.சதாசிவ சிவாச்சார்யார் ஆகியோர் கும்பாபிஷேகத்தை நடத்தி வைத்தனர். பரம்பரை அறங்காவலர் ஸ்ரீ.கே.ராமகிருஷ்ணன், தலைவர் ஸ்ரீ.எம்.வைத்தியநாதன், துணைத் தலைவர் ஸ்ரீ.வி.ராமச்சந்திரன், பொதுச் செயலாளர் ஸ்ரீ.எம்.ஸ்ரீனிவாசன், இணைச் செயலாளர் ஸ்ரீ.எம்.ஜெயராமன், மாப்படுகை கிளைத் தலைவர் ஸ்ரீ.எம்.பாலசுப்ரமணியன், ஸ்ரீமதி.சௌமியா மற்றும் நிர்வாகிகள் உறுப்பினர்கள் கலந்து கொண்டு சிறப்பித்தனர். 01-05-2024 அன்று கிளையின் நிர்வாகக்குழு கூட்டம் கடவுள் வாழ்த்து, வேத கோஷம், சங்க உறுதி மொழியுடன் துவங்கியது. கிளைத் தலைவர் ஸ்ரீ.எம்.ஜெயராமன் தலைமை தாங்கினார். அமைப்புச் செயலாளர் ஸ்ரீ.ஏ.வி.ஆர்.சுரேஷ் வரவேற்புரையாற்றினார். கிளை பொதுச் செயலாளர் ஸ்ரீ.எம்.பாலசுப்ரமணியன் தாம்ப்ராஸ் மாத இதழ் சந்தா மற்றும் உறுப்பினர் சேர்க்கை மற்றும் சங்க செயல்பாடுகள் பற்றி பேசினார். உறுப்பினர் ஸ்ரீ.எஸ்.கண்ணன் மருத்துவ உதவித் தொகை வழங்கிய மாநில அமைப்பிற்கு நன்றி தெரிவிக்கப்பட்டது. கிளை உறுப்பினர் ஸ்ரீ.எம்.நாகராஜன் மறைவிக்கு இரங்கல் தெரிவிக்கப்பட்டது. துணைத் தலைவர் ஸ்ரீ.கே.சூர்யநாராயணன் நன்றி தெரிவித்தார். ஸ்வஸ்தி வாசகத்துடன் கூட்டம் நிறைவுபெற்றது.