"ஓர் உயர்நீதிமன்றத்திலோ அல்லது உச்ச நீதிமன்றத்திலோ நீதிபதியாக வருகின்றவர் சட்டம் நன்கு பயின்றவர்கள், சட்ட நடைமுறை அனுபவம் பெற்றவர்கள் மற்றும் திறன் மிக்க நேர்மையாளர்களாக இருந்திடுவது அவசியம். இந்த அடிப்படையில் தான் 95% நீதிபதிகள் நியமனம் நடந்து வருகின்றது. தற்போதைய நடைமுறையினை மாற்ற வேண்டிய அவசியம் இல்லை என்பது தான் நடுநிலையாளர்களின் கருத்து.

"தமிழகத்தில் பாஜகவை முழுவதுமாக ஊத்தி மூடிட வேண்டும் என்றால் இது போன்ற தவறான முயற்சிகளை பாஜக எடுத்திடலாம்.

"ஓர் சாதாரண குடும்பத்தில் பிறந்து நாட்டுப்பற்றுடன் மற்றும் தியாக உணர்வுடன் அரசியலுக்கு வந்தவர் பெருந்தலைவர் காமராஜர் அவர்கள். அவர் பெயரிலான நல் ஆட்சி என்றால் லஞ்ச லாவண்யம் இல்லாத மற்றும் ஊழலற்ற ஆட்சி என்பது தான் பொருள். மேலும் குறிப்பாக காமராஜர் அவர்கள் ஓர் எளிமையான அதே சமயம் மக்கள் நலனில் அக்கறை கொண்ட ஆளுமையாகத் திகழ்ந்தவர். தற்போதைய காலகட்டத்தில் காமராஜர் ஆட்சி ஏற்படுவதற்கு சாத்தியக்கூறு அறவே இல்லை. அது போன்ற அணுகுமுறை இக்கால அரசியலுக்கு ஏற்புடையதாகவும் இருந்திடாது.