திருப்தி அளிக்கக்கூடிய ஆட்சியை த.வெ.க வழங்குவதற்கு நாம் இன்னமும் ஒரு வருடம் கால அவகாசம் கொடுத்து அதன் பின் நமது கருத்தினை வெளியிடுவது நியாயமானதாகவும், நடுநிலையானதாகவும் இருந்திடும். பல வருடங்கள் தமிழகத்தை ஆட்சி புரிந்த திமுகவும், அஇஅதிமுகவும் பரபரப்பான கண்டன அறிக்கைகளை விடுத்து த.வெ.க.வின் ஆட்சியை விமர்சிக்கின்றார்கள். அவர்களுக்கு இந்த உரிமை உண்டு என்றாலும் ஆட்சிக்கு வந்துள்ள புதிய கட்சிக்கு இன்னமும் அவகாசம் கொடுத்திடுவோம் என்பது தான் நடுநிலையாளர்களின் கருத்து.

எந்த குறிப்பிட்ட கட்சியும் அனுகூலம் பெற்றிட வாய்ப்பில்லை. ஆனால் இறந்தவர்களின் பெயரிலும், விலாசம் மாற்றிச் சென்றவர்கள் பெயரிலும் கள்ள ஓட்டு போட்டு வந்த கட்சிகள் பாதிக்கப்பட்டுள்ளன. அவர்கள் நிச்சயம் குரல் எழுப்பிடுவார்கள்.

தமிழ்நாட்டில் எத்தனையோ முதல்வர்கள் இருந்து வந்துள்ளனர். புரட்சித் தலைவர் எம்.ஜி.ஆர், கலைஞர் கருணாநிதி, பரட்சித் தலைவி செல்வி.ஜெ.ஜெயலலிதா மற்றும் இதர முதல்வர்கள் எவரும் சொல்லத் துணிந்திடாத மற்றும் செய்யத் துணிந்திடாத “லஞ்சம் மற்றும் ஊழல் ஒழிப்பினை” பேசி, அவற்றிற்கு எதிராக நடவடிக்கை எடுக்கத் துவங்கியுள்ள அந்த அம்சம் தான் முதல்வர் அவர்களிடம் நமக்கு மிகவும் பிடித்தது.