"2024 நாடாளுமன்றத் தேர்தலில் தமிழகத்தில் பாஜக தக்க கூட்டணி அமைத்து போட்டியிட்டிருக்க வேண்டும். 2026 தமிழக சட்டப்பேரவை தேர்தல்களில் தனித்து போட்டியிட்டிருக்க வேண்டும். IB ரிப்போர்ட் ஒரு புறம், கட்சித் தலைவர்களின் கருத்துக்கள் ஒரு புறம் மற்றும் ஆலோசகர்களின் ஆலோசனைகள் ஒரு புறம் என்று டெல்லி பாஜக குழப்பத்தில் இருந்து வந்தது என்பது தான் நிதர்சனம். (திரு.எடப்பாடி பழனிச்சாமி அவர்களை பெரிதும் நம்பியது தவறான அணுகுமுறை என்று சொல்வோரும் உண்டு).

"அண்ணாமலை வெளியேறியது உங்களை ரொம்பவும் பாதித்திருக்கின்றது என்று உங்கள் கேள்வியிலேயே தெரிகின்றது. பாஜகவின் அகில இந்திய தலைமை தமிழகத்தில் அரசியல் செய்வதற்கு இன்னும் பயிற்சி எடுத்துக் கொள்ள வேண்டும் என்று நடுநிலையாளர்கள் கருதுகின்றனர். மேலும் கட்சியினை வளர்ப்பதற்கு பேச்சாளர்களை உருவாக்குகின்ற பணி மற்றும் பயிலரங்கங்கள் நடத்தப்பட வேண்டும் என்றும் மேலும் குறிப்பாக பெரிய அளவில் நிதி ஆதாரம் ஒதுக்கி செயல்பட்டால் தான் தமிழக அரசியலில் தாக்குப் பிடிக்க முடியும் என்பதனை பாஜகவின் அகில இந்திய தலைமை உணர்ந்திட வேண்டும் என்றும் நடுநிலையாளர்களின் கருத்தாகும்.

"அமெரிக்க அதிபராக டிரம்ப் அவர்கள் இருக்கின்ற வகையில் இந்த பிரச்சனைக்கு தீர்வு காண முடியாது. தீர்வு காண மாட்டார் என்று அகில உலக அரசியல் ஆய்வாளர்கள் கருதுகின்றனர். ஒரு சிலர் கூறுகின்ற கருத்து யாதெனில் அமெரிக்காவிலும், இஸ்ரேலிலும் மற்றும் ஈரானிலும் தக்க ஆட்சி மாற்றம் ஏற்பட்டால் இந்த விஷயத்தில் நல்லது நடந்திட முடியும் என்பது தான்.