நமஸ்காரம்/ஆசீர்வாதம்.

25-10-2026 ஞாயிற்றுக் கிழமை அன்று திருநெல்வேலியில் தமிழ்நாடு பிராமணர் சங்கத்தின் மாநில நிர்வாகக்குழு, மாநில செயற்குழு மற்றும் மாநில பொதுக்குழு கூட்டங்கள் மிகச் சிறப்பாக நடந்தேறின.

தமிழ்நாடு பிராமணர் சங்கத்தின் மாநில மூத்த ஆலோசகர் ‘பிராமண சேவா விபூஷண்’ ஸ்ரீ.பிரமிட் நடராஜன் அவர்கள் கலந்து கொண்டு சிறப்புரையாற்றினார்.

இந்த கூட்டங்களை திருநெல்வேலி மாவட்டத் தலைவர் பிராமண சேவா விபூஷண் ஸ்ரீ.ஏ.சிவக்குமார் அவர்கள் தலைமையில் திருநெல்வேலி மாவட்ட நிர்வாகிகளும், திருநெல்வேலி மாவட்ட கிளை அமைப்புகளும் மற்றும் தென்காசி மாவட்டத் தலைவர் ஸ்ரீ.எஸ்.அய்யாமணி அவர்கள் தலைமையில் தென்காசி மாவட்ட நிர்வாகிகளும், தென்காசி மாவட்ட கிளை அமைப்புகளும் ஏற்றுக் கொண்டு சிறப்பான ஏற்பாடுகளை செய்திருந்தனர். மாநிலத் தலைமையின் வழிகாட்டுதலின்படி மாநில அமைப்புச் செயலாளர் பிராமண சேவா விபூஷண் திண்டிவனம் ஸ்ரீ.எல்.குமார் அவர்களும் இணைந்து சிறப்பு கவனம் செலுத்தி பணியாற்றினார்.

பொதுக்குழுவில் நிறைவேற்றப்பட்ட தீர்மானங்களை கீழே கொடுத்துள்ளேன்:

25-10-2026 ஞாயிற்றுக் கிழமை அன்று திருநெல்வேலியில் நடைபெற்ற தமிழ்நாடு பிராமணர் சங்கத்தின் (தாம்ப்ராஸ்) 46ம் ஆண்டு மாநில பொதுக்குழுவில் நிறைவேற்றப்பட்ட தீர்மானங்கள்:

1. சமீபத்தில் நடைபெற்ற தமிழக சட்டப்பேரவை தேர்தல்களில் ஓர் மாபெரும் மவுனப் புரட்சி வழியாக தமிழகத்தின் இரண்டு பெரிய கட்சிகளான திமுக மற்றும் அஇஅதிமுக கட்சிகளை தோற்கடித்து ஆட்சியில் அமர்ந்துள்ள தமிழக வெற்றிக் கழகத்திற்கும் அதன் தலைவர் மாண்புமிகு முதல்வர் திரு.ஜோசப் விஜய் அவர்களுக்கும் இப்பொதுக்குழு பாராட்டுகளை தெரிவித்துக் கொள்கின்றது.

2. தமிழகத்தில் புதிதாக ஆட்சிக்கு வந்துள்ள தமிழக வெற்றிக் கழகத்தினை சார்ந்த மாண்புமிகு முதல்வர் திரு.ஜோசப் விஜய் அவர்கள் தமிழகத்தில் லஞ்சத்திற்கும், ஊழலுக்கும் சிறிதும் இடம் கொடுக்க மாட்டோம் என்று சொல்லுவதோடு மட்டுமல்லாமல் அதற்கான சில முயற்சிகளை துவங்கி இருப்பதனையும் இப்பொதுக்குழு வரவேற்கின்றது.

3. கேரள அரசு நியமித்திருக்கின்ற அடிப்படையில் தமிழகத்திலும் முற்பட்ட சமூகங்களை சார்ந்த நலிந்தோருக்கு உதவிடும் வகையில் ஓர் தனி நல வாரியம் அமைத்திட தமிழக அரசினை இந்த பொதுக்குழு கேட்டுக் கொள்கின்றது.

4. மத்திய அரசு சட்டப்பூர்வமாக நடைமுறைப்படுத்தியுள்ள, தமிழகத்தின் 76 சமூகங்கள் பயன்பெறும், பொருளாதார அடிப்படையில் நலிந்தோருக்கான (EWS) 10 சதவீத (10%) இட ஒதுக்கீட்டினை தமிழகத்தில் நடைமுறைபடுத்திட தமிழக அரசும், தமிழக அரசியல் கட்சிகளும் முன் வர வேண்டும் என்று இப்பொதுக்குழு வலியுறுத்தி கேட்டுக் கொள்கின்றது.

5. மத்திய அரசின் முழு நிதியுதவியுடன் நடத்தப்படும் கிராமப்புற மற்றும் ஏழை மாணவ, மாணவிகளுக்கு பயன் அளித்திடும் CBSE பாடத் திட்டத்தின் அடிப்படையிலான “நவோதயா” பள்ளிகளை தமிழகத்தின் அனைத்து மாவட்டங்களிலும் துவங்கிட தேவையான ஒத்துழைப்பினை மத்திய அரசிற்கு வழங்கிடுமாறு தமிழக அரசினை இந்த பொதுக்குழு கேட்டுக் கொள்கின்றது.

6. தமிழகத்தில் உள்ள அரசு மற்றும் அரசு உதவி பெறும் பள்ளிகளில் தெலுங்கு / கன்னடம் / மலையாளம் / ஹிந்தி / சமஸ்கிருதம் ஆகிய மொழிப் பாடங்களை விருப்பப் பாடமாக (Optional Subject) கற்றுக் கொடுத்திட தமிழக அரசு முன்வந்திட வேண்டும் என்று இந்த பொதுக்குழு கேட்டுக் கொள்கின்றது.

7. அரசின் கட்டுப்பாட்டில் தற்போது உள்ள தமிழக கோவில்களை, மேலும் சிறப்பான முறையில் நிர்வகித்து பராமரித்திட உதவிடும் வகையில், அவைகளை ஓர் தன்னாட்சி உரிமை கொண்ட தனி வாரியம் அமைத்து நிர்வகித்திட இப்பொதுக்குழு கோருகின்றது.

8. சமீபத்தில் நேபாளத்தில் நடைபெற்ற மிகப்பெரிய வெள்ளம் மற்றும் நிலச்சரிவுகளிலும், இந்தியாவில் நடைபெற்ற நிலச் சரிவுகளிலும் மற்றும் இதர இயற்கை பேரிடர்களில் உயிரிழந்த மக்களுக்கு இப்பொதுக்குழு அஞ்சலி செலுத்துகின்றது. அவர்களின் குடும்பங்களுக்கு அனுதாபத்தினை தெரிவித்துக் கொண்டு அவர்களது ஆன்மாக்கள் நற்கதி அடைந்திட இப்பொதுக்குழு பிரார்த்திக்கின்றது.

தீர்மானங்களின் மீதான மேல் நடவடிக்கைகளை மாநிலத் தலைமை எடுத்து வருகின்றது என்பதனையும் தெரிவித்துக் கொள்கின்றேன். அனைவருக்கும் இனிய தீபாவளி நல்வாழ்த்துகள்!

நன்றி !

இங்ஙனம்

உங்கள் அன்பு சகோதரன்

திருவொற்றியூர்

என்.நாராயணன்

மாநிலத் தலைவர்

E-mail : ungalnarayanan@gmail.com

Thambraas State Head Quarters

Whatsapp Numbers : 81480 11172 /

81480 11106 (10.00 am to 6.00 pm)