சில வாசகர்கள் கடிதம் வழியாக Gen Z அப்படி என்றால் என்ன? எதனை குறிக்கின்றது ? அதன் அர்த்தம் என்ன? அது எந்த தலைமுறையினை குறிப்பிடுகின்றது என்றெல்லாம் கேட்கின்றார்கள்.

நேற்று ஒருவர் தொலைபேசியில் தொடர்பு கொண்டு இந்த தலைமுறைகள் (Generation) பற்றி ஓர் தெளிவான கருத்தினை எடுத்துரைக்குமாறு கேட்டுக் கொண்டார்.

தற்போது நாடெங்கும் பேசப்படுகின்ற Gen Z தலைமுறை மற்றும் இதர தலைமுறைகளுக்கு கீழ்க்கண்டவாறு பெயர்கள் தரப்படுகின்றன. இது போன்ற சொற்றொடர்களை ஆய்வாளர்கள் பயன்படுத்துவதோடு அல்லாமல் வேறு சிலரும் இந்த சொற்றொடர்களை கையாளுவது ஃபேஷனாகவும் உள்ளது.

Gen Z தலைமுறை யாவரெனில், அவர்கள் இன்டர்நெட், ஸ்மார்ட் போன் மற்றும் சமூக ஊடகங்கள் ஆகியவைகளிலும், மேலும் யூடியூப், இன்ஸ்டாகிராம் ஆப் போன்றவைகளிலும், பொதுவாகவே இளம் வயது முதல் தொழில்நுட்ப ரீதியாக கையாளும் திறன் பெற்றவர்களாக உள்ளனர் என்பது பொருள். கூகுள் கொடுத்திடும் விவரம் வருமாறு:

சனாதன தர்மமான ஹிந்து தர்மத்தின் அடித்தளமாக விளங்குகின்ற பிராமண பாரம்பரியம் தற்போதைய இளைய தலைமுறையினரால் எவ்வாறு தெரிந்து கொள்ளப்படுகின்றது, புரிந்து கொள்ளப்படுகின்றது மற்றும் கடைப்பிடிக்கப்படுகின்றது என்பதெல்லாம் விவாதத்திற்கு உரிய விஷயங்கள் ஆகும்.

பிராமண சங்கத்தில் Gen Z தலைமுறையினர் எந்த அளவிற்கு பங்கு கொள்கிறார்கள் என்று உற்று நோக்குகின்ற பொழுது அவர்களுடைய பங்களிப்பு மிகவும் சொற்பமாகத் தான் உள்ளது. ஏனென்றால் அவர்களுடைய வாழ்க்கை நோக்கிய பயணம் மற்றும் அவர்களுடைய முதன்மையான விஷயங்கள் ஆகியவைகளுக்கு அவர்கள் செலவழிக்கின்ற நேரம் அதிகமாக இருக்கின்ற காரணத்தினால், பிராமண சங்கத்தில் நேரடியாக பங்கு கொண்டிட முடியவில்லை என்பது யதார்த்தமான நிலையாகவும் உள்ளது.

தமிழ்நாடு பிராமணர் சங்கத்தில் நாம் இளைஞரணி என்று ஓர் பிரிவினை தொன்று தொட்டு வைத்து செயல்பட்டு வருகின்றோம். இந்த அணியில் இளைஞர்களுக்கும், இளைஞிகளுக்கும் வாய்ப்புகள் கொடுக்கின்றோம்.

நமது சங்கத்தின் கிளைகளின் நிர்வாகிகளாகவோ, மாவட்ட அமைப்பின் நிர்வாகிகளாகவோ அல்லது மாநில அமைப்பில் செயல்படுகின்ற நிர்வாகிகளாகவோ தற்போது இளைய தலைமுறையினர் பெரிய எண்ணிக்கையில் இல்லை.

வாழையடி வாழையாக தழைத்தோங்கிட வேண்டிய பிராமண பாரம்பரியத்தினை பாதுகாத்திட வேண்டுமென்றால் நாம் இன்னமும் பெரிய அளவில் இளைய தலைமுறையினரை சங்கப் பொறுப்புகளில் அமர்த்திட வேண்டும்.

லாப நோக்கு இல்லாமல் சேவை மனப்பான்மையினை மட்டுமே அடித்தளமாகக் கொண்டு சேவை செய்கின்ற தமிழ்நாடு பிராமணர் சங்க நிர்வாகிகளாக இளைய தலைமுறையினர் உடனடியாக வந்துவிடுவார்களா என்றால் இது சாத்தியமல்ல. உடனடியாக சாத்தியமில்லை என்பதனால், இளைஞர்களை சங்க பொறுப்பில் அமர்விக்கின்ற நமது முயற்சிகளை நாம் கைவிட்டு விட முடியாது.

இவ்விஷயம் பற்றி பல்வேறு ஊர்களில் பல்வேறு நகரங்களில் நான் சந்திக்கின்ற பிராமண சமூக இளைஞர்களிடமும், இளைஞிகளிடமும் கலந்துரையாடி வருகின்றேன். அந்த கலந்துரையாடல்களில் அவர்கள் கொடுத்த சில கருத்துக்களை கீழே குறிப்பிட விரும்புகின்றேன்.

1. தாம்ப்ராஸ் ஓர் Caste Association (ஜாதி சங்கம்) என்று சொல்லப்படுவதனால் இதில் நிர்வாக பொறுப்பேற்க இளைஞர்கள் பலருக்கு தயக்கம் உள்ளது.

2. தமிழ்நாடு பிராமணர் சங்கத்தின் தற்போதைய நிர்வாகிகள் அனைவரும் பழமைவாதிகள் என்றும் அவர்கள் முற்போக்கு எண்ணங்களை ஏற்றுக் கொள்ள மாட்டார்கள் என்றும் எண்ணுகின்றனர்.

3. தமிழ்நாடு பிராமணர் சங்கத்தில் நிர்வாகியாக சேவை செய்தால் தங்களுக்கு என்ன அனுகூலம் அல்லது பலன் கிடைக்கும் என்று எதிர்நோக்குகின்றார்கள்.

4. இன்னமும் சில பிராமண மாமியார்கள் மாட்டுப் பெண்களை (Daughters-in-law) சரியாக நடத்தவில்லை என்றும் இதற்கு சங்கத்தில் கடும் நடவடிக்கை எடுத்திட முடியுமா என்றும் கேட்கின்றனர்.

5. பிராமண சமூகத்தில் இருக்கக்கூடிய ஏழை பணக்காரர் என்கின்ற வர்க்க பேதத்திற்கு தாம்ப்ராஸ் இயக்கத்தினால் என்ன செய்திட முடியும். இன்னமும் ஒரு சில பிராமணக் குடும்பங்கள் ஏழைகளாகவே, குறைந்த வருவாய் உள்ள (Lower Middle Class) மக்களாகவே இருக்கின்றார்களே என்கின்றனர்.

6. தமிழ்நாடு பிராமணர் சங்கத்திற்கு மிகப்பெரிய நிதி ஆதார பலம் இல்லை என்பது இளைஞர்களிடம் ஓர் அவ நம்பிக்கையினை உருவாக்குகின்றது.

7. மிகப்பெரும் கார்ப்பரேட் நிறுவனங்கள் பிராமணர்களால் நடத்தப்பட்டு வந்தாலும் அவர்களும் அர்த்தமுள்ள வகையில், அதாவது பிராமண சங்கத்திற்கு பெரிய அளவில் உதவுவதில்லை என்பதும் சுட்டிக் காண்பிக்கப்படுகின்றது.

8. பிராமண சமூகத்தில் வரதட்சணை என்பது குறைந்து விட்டாலும் முழுவதுமாக அகற்றப்படவில்லை என்றும் தெரிவிக்கின்றனர்.

தமிழ்நாடு பிராமணர் சங்கத்தில் நாம் மேலே குறிப்பிட்டுள்ள அனைத்து கருத்துக்களையும் உள் வாங்கி அதனை புரிந்து கொண்டு இயன்ற அளவு கையாண்டு வருகின்றோம். இருப்பினும் சவால்கள் நிறைந்த ஓர் நிலைப்பாட்டில் தான் நாம் இருக்கின்றோம்.

எதிர்காலத்தில் இளைய தலைமுறையினரை பெரும் எண்ணிக்கையில் தமிழ்நாடு பிராமணர் சங்கத்தில் பல்வேறு பொறுப்புகளில் அமர்த்திட நாம் தொடர்ந்து பாடுபடுவோம் என்று தெரிவித்துக் கொள்கின்றேன். (எதிர்கால தாம்ப்ராஸ் நிர்வாகிகளை உருவாக்கிடுதல் என்பது கிளைகளின் தலைவர்களுக்கும், மாவட்ட தலைவர்களுக்கும் மற்றும் மாநிலத் தலைவருக்கும் கடமை என்பதனை வலியுறுத்துகின்ற வகையில் இது சம்மந்தமாக ஓர் விதிமுறை எண் நமது சங்கத்தின் விதிமுறைகளில் சமீபத்தில் சேர்க்கப்பட்டுள்ளது). சங்கத்தின் பல்நிலை நிர்வாகிகளும் தாம்ப்ராஸ் போஷகர்களும், தாம்ப்ராஸ் மாத இதழ் வாசகர்களும் தங்களுடைய மேலான கருத்துக்களை எழுத்து வழியாக அதாவது வாட்ஸ்ஆப் அல்லது மின்னஞ்சல் வழியாக பகிர்ந்து கொள்ளும்படி மிக்க அன்புடன் வேண்டிக் கேட்டுக் கொள்கின்றேன்.

பிராமண பாரம்பர்யம் காத்திட நாம் நமது அயராத உழைப்பினை தொடர்ந்திடுவோம்; மாற்று அணுகுமுறைகளை நடைமுறைப்படுத்திட முயன்றிடுவோம். பிராமண சமூகத்தின் இளைய தலைமுறையினர் பெரும் எண்ணிக்கையில் நமது சங்கத்தில் பங்கு கொள்வதனை (Participation) வரவேற்று அன்புடன் எதிர்நோக்கிடுவோம்.

நன்றி !

இங்ஙனம்

உங்கள் அன்பு சகோதரன்

திருவொற்றியூர்

என்.நாராயணன்

மாநிலத் தலைவர்

E-mail : ungalnarayanan@gmail.com

Thambraas State Head Quarters

Whatsapp Numbers : 81480 11172 /

81480 11106 (10.00 am to 6.00 pm)